Synopsis
‘Zwana-ke mthakathi wezigodo. Sengidiniwe ngawe, kudala ungithwalise nzima. Manje okwakhathesi ngithi umntwana kangisa mfuni…’ Waphuma ehaluzela ehamba uNdlovu. Waphelelwa ngamandla uNcube. Wembela ubuso phansi. Wabubamba ngamadolo akhe. Zahlengezela izinyembezi zomuntu omdala. Nanso-ke inkemenkeme batayi! UNdlovu loNcube sebelolelane imikhonto! Kambe nga babangani njalo inzondano le iyozala nkomoni? Uthando lukaMelusi loDeliwe lona luzamelana lale impi na? Impi kazibuse yona izaletha impumela bani kule ingxabano? UBekithemba S Ncube ngempela uliphakele uluju Mthwakazi!
